இன்றைய (பிப்ரவரி 9, 2016) இந்தியன் எக்ஸ்பிரஸ் நாளிதழில் ‘₹ 1.14 லட்சம் கோடி வாராக் கடன்: பெரும் அரசு வங்கி தள்ளுபடி’ என்ற தலைப்பில் வெளியான கட்டுரையைப் பார்க்கவும்.

RTI வினாவுக்கு நாங்கள் அளித்த பதிலை அடிப்படையாகக் கொண்டாலும், செய்தி சரியான கண்ணோட்டமின்றியும் கடன்களை தள்ளுபடி செய்வதில் உள்ள அனைத்து உண்மைகளையும் வெளிப்படுத்தாமலும் உள்ளது.

வாராக் கடன்களை தள்ளுபடி செய்தல் என்பது வங்கிகள் தங்கள் இருப்புநிலைக் குறிப்பை சரிசெய்வதற்காக மேற்கொள்ளும் வழக்கமான பயிற்சியாகும். இருப்பினும், இந்த தள்ளுபடியின் கணிசமான பகுதி தொழில்நுட்ப ரீதியிலானது. இது முதன்மையாக இருப்புநிலைக் குறிப்பை ஒழுங்குபடுத்துவதையும், வரி செலுத்துவதில் திறனை அடைவதையும் நோக்கமாகக் கொண்டது. தொழில்நுட்ப ரீதியாக, தள்ளுபடி செய்யப்பட்ட கணக்குகளில், கடன்களை திரும்பப் பெறுவதற்கான உரிமையை இழக்காமல், தலைமை அலுவலகத்தில் உள்ள கணக்குப் புத்தகங்களில் இருந்து கடன்கள் நீக்கப்படுகின்றன. மேலும், கடன் தள்ளுபடிகள் பொதுவாக அக்கடன்களுக்காக ஒதுக்கீடுகள் செய்யப்பட்டு சேர்க்கப்பட்ட தொகைக்கெதிராக மேற்கொள்ளப்படுகின்றன. கடன்கள் வசூலிக்கப்பட்டால், அந்தக் கடன்களுக்கான ஒதுக்கீடுகள் வங்கிகளின் லாப நஷ்டக் கணக்கில் மீண்டும் சேர்க்கப்படும்.

மேலே உள்ள செய்தியில் வெளியிடப்பட்ட தரவுகள், வங்கிகளால் செய்யப்பட்ட மொத்த கடன் தள்ளுபடி ஆகும். இதில் வசூல் நடவடிக்கைகள் வழக்கம் போல் தொடரக்கூடிய, தொழில்நுட்ப ரீதியாக தள்ளுபடி செய்யப்பட்ட கணக்குகளின் பெரும் பகுதியும் அடங்கும்.

அல்பனா கில்லாவாலா
முதன்மை ஆலோசகர்
தொடர்புத் துறை
இந்திய ரிசர்வ் வங்கி
மத்திய அலுவலகம்
ஷாஹித் பகத் சிங் சாலை
மும்பை 400 001
இந்தியா